“Gürcüstana 3 nəfərlə normal səyahət eləmək üçün hardasa 2000 manat pul lazımdır. 1000 manat o yana, 1000 manat bu yana. Amma əvvəllər 15 manatdan marşrutlar işləyirdi. 15 manat verirdin, səni aparıb düz qapının ağzında düşürürdü”.

Musayevlər ailəsi Gürcüstanda yaşayan qohum-əqrəbalarından 3 ildir ancaq telefonla hal-əhval tutur. Quru sərhədlərin bağlı, təyyarə biletlərinin isə ilbəil artan qiymətləri onları doğulduqları torpaqlarda görüşməyə qoymur.