Dekabrın 14-də Xətai Rayon Məhkəməsi araşdırmaçı jurnalist Hafiz Babalı barəsində 3 ay həbs qətimkan tədbiri seçib.

Jurnalistə qarşı “Abzas Media”nın digər əməkdaşları kimi qrup halında qaçaqmalçılıq ittihamı irəli sürülüb. Hafiz Babalı BŞBPİ-nin əməkdaşları tərəfindən dekabrın 13-də saxlanılıb.

Onun evində axtarış aparılıb, şəxsi əşyaları müsadirə edilib. DİN Hafiz Babalının “Abzas Media” əməkdaşlarına qarşı açılmış cinayət işi çərçivəsində saxlanıldığını bildirib. Hafiz Babalı ona qarşı irəli sürülən ittihamları qəbul etmir, həbsinin jurnalist fəaliyyəti ilə bağlı olduğunu bildirir.