“Uşağım dolma istəyəndə ət ala bilmirəm deyə yalançı dolma bişirirəm”

Bazarda qiymətlər qalxdıqca Bahar Əliyevanın menyusundan bir ərzaq azalır. Dörd uşaq anası hər gün onlara nə bişirib doyuracağından qayğılanır.

Altı nəfərlik ailə zibillikdən yığdıqları plastiki satmaqla dolanır. Atalarına kömək edən qızlar məktəbə getmirlər. Ağayevlər ailəsi kasıblıqdan qurtulmaq üçün dövlət orqanlarına müraciət edib. Amma onlardan geridönüş edən olmayıb.