“Burda kənd sakini var idi, övladı dünyaya gəlirdi. Çatdıra bilmədik, tibb məntəqəsi olmadığına görə, həkim olmadığına görə dünyasını dəyişdi”.

Şabranın Qazbabalı kəndində 505 nəfər yaşasa da, tibb məntəqəsi yoxdur. Burada kimsə nasazlasa, Şabranın mərkəzinə getməlidir ki, bu da əlavə yol xərci tələb edir. Sakinlər deyirlər ki, nə özləri, nə də övladları imkansızlıqdan vaxtlı-vaxtında həkim müayinəsindən keçirlər.