Ülvi Həsənli
“Abzas Media”nın direktoru
Ülvi Həsənli “Abzas Media”nın direktoru və həmtəsisçisidir.
O, “Abzas Media”nı 2016-cı ildə təsis etməzdən əvvəl Dalğa Gənclər Hərəkatı, Azad Gənclik Təşkilatı, Demokratik Qüvvələrin Milli Şurası və NİDA Vətəndaş Hərəkatı kimi ictimai-siyasi təşəbbüslərdə fəal iştirak edib.
Onun rəhbərliyi dövründə “Abzas Media” hökumət məmurlarının biznes sövdələşmələri, o cümlədən 2020-ci ildən Qarabağda aparılan yenidənqurma işlərində korrupsiya faktları ilə bağlı araşdırmalar dərc edib.
Ülvi Həsənli 2023-cü il noyabrın 20-də “Abzas Media işi” çərçivəsində həbs edilib və həbsini nəşrin araşdırmaları ilə əlaqələndirib.
Həbsdə olduğu müddətdə də jurnalist fəaliyyətini davam etdirərək penitensiar sistemdəki qanunsuzluqlar, insan hüquqları pozuntuları və qeyri-insani rəftar halları barədə yazıb.
2025-ci ilin iyununda 9 il azadlıqdan məhrum edilib, yerli və beynəlxalq insan hüquqları təşkilatları onu siyasi məhbus kimi tanıyıb.
