Krımın Simferopol vilayətinin Qvardeyskoye kəndindəki hərbi aviabazanın ərazisində bir neçə partlayış baş verib. Şahidlərin sözlərinə görə, hərbi aerodromun üstündə qara tüstü buludları var. "Kommersant" yerli sakinlərə istinadən xəbər verib.

Nəşrin adını açıqlamayan mənbəsi bildirib ki, hərbi və hüquq-mühafizə orqanları sursat anbarına pilotsuz təyyarənin hücumu versiyasını araşdırır. Hələlik bu barədə rəsmi şərh verilməyib.

"Vesti-Krım" teleqram kanalı Qvardeyskoye kəndinin sakinlərinə istinadən xəbər verir ki, “səhər hərbi bazadan bir neçə partlayış səsi eşidilib” və hazırda “kənddə vəziyyət sakitdir”.

Qvardeyskoye kəndində 2014-cü ildən Rusiya Müdafiə Nazirliyinin qarışıq aviasiya alayının yerləşdiyi eyniadlı hərbi aerodrom var.

Avqustun 16-da səhər saatlarında Krımın Cankoyski rayonunun Mayskoye kəndindəki sursat anbarında partlayışlar baş verib. Rusiya Federasiyasının Müdafiə Nazirliyi bunu təxribat hesab edib. Bundan başqa, “Cankoy” elektrik yarımstansiyasında da yanğın olub.