Sabirabad Rayon İcra Hakimiyyətinin qarşısında özünü yandıran Qarabağ qazisi Elvin Cəfərov gecə saatlarında xəstəxanada vəfat edib. 

Bu barədə qazinin qardaşı Elnur Cəfərov məlumat yayıb.

Hadisə iyulun 10-da baş verib. Sabirabad Rayon İcra Hakimiyyətinin önünə gələn qazi Elvin Cəfərov orada özünü yandırıb. Yaxınları bildiriblər ki, qazinin bunu etməsinə səbəb Sabirabad Rayon İcra Hakimiyyətinin etdiyi haqsızlıqlar olub.

İcra hakimiyyəti isə məsələyə münasibət bildirməyib. 

İkinci Qarabağ Müharibəsindən sonra intihar edən qazilərin sayı ümumilikdə 40-ı keçib.