Buzovna sakinləri prezident İlham Əliyevə videomüraciət ünvanlayıblar

Buzovna sakinləri prezident İlham Əliyevə videomüraciət ünvanlayıblar
13 İyun 2022
Mətni dəyiş

Buzovna qəsəbəsinin ictimai fəalları Azərbaycan prezidenti İlham Əliyevə müraciətin yer aldığı videoçarx çəkiblər. Videomüraciətdə məqsəd dövləti yerli torpaq sahibləri tərəfindən zəbt olunmaqdan qurtulmağa, Xəzər sahilindəki tarixi qayaların təmizlənməsi və ictimai istifadə üçün mühafizəsinə cəlb etməkdir.

Filmdə mülkiyyətçilər tərəfindən dənizin kənarına qədər tikilmiş və hasarlarla ayrılmış Xəzər sahili nümayiş etdirilib.

Videomüraciət müəllifləri Buzovnadakı 15 torpaq sahəsinin ərazisindəki qayaların tikinti tullantıları ilə zibilləndiyini və ya tamamilə dağıdıldığını bildirirlər.

Bu ilin mayında Xəzər Rayon İcra Hakimiyyətinin dəstəyilə Buzovna fəalları sakinlərin  dənizə çıxışını əngəlləyən bir neçə qanunsuz hasarın dağıdılmasına nail olublar. Rayon  İcra Hakimiyyətindən Turan-a bildiriblər ki, hakimiyyət sahilin qanunsuz tikililərdən tam azad edilməsinə nail olacaq.

Lakin fəal Seyfulla Əli deyib ki, Buzovna qəsəbəsində bir neçə hasarın dağıdılması ilə sahil zolağının azad edilməsi dayanıb.

"Ərazisi qayalıq massivə baxan torpaq sahəsi sahiblərinin heç biri şəhərsalma və memarlıq haqqında qanuna əməl etmir. Bu qanuna görə, dənizin yaxınlığında 20-50 metrlik zolağı özəlləşdirib ictimai istifadə üçün bağlamaq olmaz", - Seyfulla Əli deyib.

https://www.youtube.com/watch?v=PkmJF0ZIJhk

Bənzər Xəbərlər

Yeniliklərdən xəbərdar olmaq üçün abunə olun