Ermənistanın paytaxtı Yerevan şəhərində müxalifətin elan etdiyi vətəndaş itaətsizliyi aksiyası keçirilib.

Baş nazir Nikol Paşinyanın istefasını tələb edən 244 etirazçının polis tərəfindən saxlanıldığı bildirilir.

Şəhərin əsas yollarını bağlamağa cəhd edən aksiyaçılarla polis arasında qarşıdurmalar yaşanıb. Hakimiyyətin istefasını tələb edən müxalifət bir həftədir əhalini məlumatlandırma aksiyası keçirir.

Fransa meydanında toplaşmış müxalifətçilər gecə-gündüz etiraz aksiyası keçirmək üçün çadırlar qurublar.