“Nə? Harada? Nə vaxt?" intellektual oyunun iştirakçısı Rövşən Əsgərov Rusiya Federasiyası Cinayət Məcəlləsinin maddəsi ilə axtarışa verilib. Bu barədə TASS Daxili İşlər Nazirliyinin məlumat bazasına istinadən xəbər verib. Aprelin 27-də İstintaq Komitəsi Əsgərova qarşı nasizmin reabilitasiyası maddəsi ilə cinayət işinin başlandığını elan edib. Təqiblərə səbəb Əsgərovun “Facebook” sosial şəbəkəsində sovet marşalı Georgi Jukov haqqında yazdığı paylaşım olub, araşdırmaya görə, orada “böyük rus sərkərdəsi və Vətən müdafiəçisinin xatirəsini təhqir edən və gözdən salan qəsdən yalan məlumatlar” yer alıb. 'Meduza'-ya müsahibəsində Rövşən Əsgərov İstintaq Komitəsinin iddialarını rədd edərək, öz postunu “faktlara əsaslanan rəy” adlandırıb. O, həmçinin bildirib ki, martın əvvəlində Ukraynada müharibə başladığı üçün Rusiyanı tərk edib.