Fici məhkəməsi ABŞ-a rusiyalı oliqarx Süleyman Kərimovun super yaxtasını həbs etməyə icazə verib. Lüks gəmi polis tərəfindən həbs edilib. Bu barədə Reuters xəbər verir. Qeyd olunur ki, “Amadea” gəmisi ötən ay Meksikadan Ficiyə gəlib. Sakit okean üzərindən keçid 18 gün çəkib. Yaxta Sakit okean ada dövlətinin polisi tərəfindən saxlanılıb. Gəminin kapitanı Ficiyə gömrük rəsmiləşdirilməsi olmadan gəldiyi üçün dindirilib. Kərimov 2014 və 2018-ci illərdə Rusiyanın Ukraynaya təcavüzünə cavab olaraq ABŞ-ın sanksiyalarına məruz qalıb. UNİAN bildirir ki, fevralın 24-də Rusiya Ukraynaya hücum edərək ölkədə əsl çöküşə səbəb olub. İşğalçılar təkcə hərbi hissələri, hava limanlarını və digər strateji obyektləri ələ keçirmir, həm də şəhərin mülki əhalisini və hündürmərtəbəli binalarını atəşə tuturlar. Bununla bağlı Aİ Rusiya prezidenti Vladimir Putinin yaxın çevrəsinə və təbliğatçılarına qarşı sanksiyalar tətbiq edib. Avropa ölkələrində rus oliqarxlarının mülklərinə, o cümlədən yaxtalara həbs qoyulmağa başlanılıb.