Ukraynanın xarici işlər naziri Dmitri Kuleba qeyd edir ki, Rusiya Federasiyasının BMT Təhlükəsizlik Şurasının daimi üzvü statusunda olmaq hüququ yoxdur. UNİAN müxbirinin verdiyi məlumata görə, XİN rəhbəri bu barədə Ümumkrayna telemarafonunda deyib. "Ukrayna uzun müddətdir ki, Rusiyanın qeyri-qanuni olaraq BMT Təhlükəsizlik Şurasında daimi üzv statusunda olması haqda danışır. BMT Katibliyinə müraciət edərək, Rusiyanın SSRİ-nin yerinə keçirməsi ilə bağlı bütün tarixi sənədlərin bizə təqdim olunmasını xahiş etmişik. Bu sənədlər bizə təqdim olunmayıb. BMT-nin Rusiyanın Təhlükəsizlik Şurasına üzvlüyünü bütün mümkün vasitələrlə qoruduğuna dair şayiələr var. Biz bu məsələni indi də qaldırırıq”, - Kuleba vurğulayıb. "Qətiyyətlə deyə bilərəm ki, Rusiya Federasiyasının BMT Təhlükəsizlik Şurasının daimi üzvü kimi iştirak etmək hüququ yoxdur. O, bu hüququ itirib", - Kuleba vurğulayıb. O, Ukraynanın bununla mübarizə aparacağını bildirib.