Fevralın 24-dən bu yana 80 min ukraynalı ölkənin müdafiəsinə kömək etmək üçün xaricdən geri qayıdıb. Bu barədə Ukrayna Daxili İşlər Nazirliyi məlumat verib. “Xaricdə işləyən və ya müvəqqəti yaşayan Ukrayna vətəndaşları ölkənin suverenliyini və ərazi bütövlüyünü qorumaq üçün öz vətənlərinə qayıdırlar”, - bəyanatda deyilir. “Onlar Silahlı Qüvvələrin, digər hərbi birləşmələrin və ərazi müdafiə qüvvələrinin sıralarına qoşulurlar”. Bildirilir ki, 80.000 nəfərin demək olar ki, hamısı kişidir. Ukrayna prezidenti Vladimir Zelenskinin xarici legion çağırışına cavab verən qeyri-ukraynalılar da müharibəyə qoşulmaq üçün ölkəyə səfər edirlər. Reuters xəbər verir ki, Yaponiyanın müdafiə qüvvələrinin veteranları daxil olmaqla 70 vətəndaşı və Fransa Xarici Legionu döyüşmək üçün Ukraynaya getmək istəyi ilə müraciət etdiyini bildirib.