Rusiya Silahlı Qüvvələri (SQ) hərbi təlimlərin bir hissəsini başa çatdırıb. Cənub və Qərb hərbi dairələrinin hissələri dəmir yolu və avtomobil yolu ilə öz bazalarına qayıtmağa başlayıblar. Bu barədə Müdafiə Nazirliyinin sözçüsü İqor Konaşenkov məlumat verib. Onun sözlərinə görə, təlimlərin sonunda qoşunlar həmişə olduğu kimi, öz dislokasiya məntəqələrinə birgə yürüş keçirəcəklər. Konaşenkov qeyd edib ki, Rusiya hərbi qulluqçuları, o cümlədən, demək olar ki, bütün hərbi dairələr, donanmalar və hava-desant qüvvələri bəzi ərazilərdə təlimləri davam etdirir. “Müttəfiqlərin qətiyyəti” təlimində iştirak edən Şərq Hərbi Dairəsinin və Hərbi Hava Desant Qüvvələrinin qoşunları Belarus silahlı qüvvələri ilə birlikdə müdafiə əməliyyatı zamanı İttifaq dövlətlərinə qarşı aqressiyanın dəf edilməsi məsələləri üzərində işləyirlər. Müdafiə Nazirliyinin rəsmi nümayəndəsi əlavə edib. Fevralda Belarusda Rusiya ilə birgə “Müttəfiqlərin qətiyyəti -2022” hərbi təlimləri keçirilir. Belarus Prezidenti Aleksandr Lukaşenkonun sözlərinə görə, hərbçilər Polşa, Baltikyanı ölkələr və Ukrayna qüvvələri ilə qarşıdurmaya hazırlaşır. “Qərb-2021” qərb istiqamətində sonuncu iri təlimlər 2021-ci ilin sentyabrında baş tutub. Müttəfiq dövlətlərin ordularının manevrlərinə 200 minə yaxın insan, ağır texnika, aviasiya və döyüş gəmiləri cəlb edilib.