Yanvarın 7-də Qazaxıstan prezidenti Qasım-Jomart Tokayev ölkə vətəndaşlarına müraciət edərək, hüquq-mühafizə orqanlarına və orduya xəbərdarlıq etmədən atəş açmaq əmri verdiyini bildirib. "Bu, nə axmaqlıqdır! Cinayətkarlar və qatillərlə hansı danışıqlar ola bilər? Biz təlim keçmiş quldurlar və terrorçularla məşğul olmalıydıq. Ona görə də onları məhv etmək lazımdır və bu, yaxın gələcəkdə həyata keçiriləcək", - Orda.kz nəşri prezidentdən sitat gətirib. Tokayevin sözlərinə görə, demokratiya “özbaşınalıq və ya təhrik etmək deyil”, “anarxiya insan hüquqlarının pozulmasına gətirib çıxarır”.