2020-ci ilin aprelində Misir vətəndaşı Samir E.-ni həbs edərkən irqçi təhqir və zorakılıq edən 6 polis Bobinya Məhkəməsi tərəfindən 12 ay həbs cəzasına məhkum edilib. Bu barədə məlumat Fransa mətbuatında yer alıb. Polislərdən Piyer C-nin vəkili Loren-Frank Linard məhkəmənin qərarına etiraz edəcəklərini bildirib. Linard təqdim etdikləri heç bir dəlilin məhkəmə tərəfindən qəbul edilmədiyini söyləyib. Samir Einin vəkili Ari Alimi məhkəmə qərarının polis təşkilatındakı irqçiliyə və zorakılığa qarşı qələbə olduğunu deyib.