Rusiya Müdafiə naziri Sergey Şoyqu Ermənistan Müdafiə naziri Qaqarşak Arutyunyanla telefonla danışıb. müdafiə nazirləri Azərbaycan - Ermənistan sərhəddindəki Sünik bölgəsi ilə bağlı müzakirə aparıblar. 

Ermənistanlı nazir həmkarına ərazidə baş verənlərlə bağlı məlumat verib və bildirib ki, Ermənistan ordusu azərbaycanlıların girdiyi Qara Göl də daxil olmaqla bütün əraziləri, əsgərləri və dəstək yollarını tamamilə nəzarətdə saxlayır.

Telefon danışığı zamanı iki ölkə arasında hərbi münasibətlər də müzakirə olunub.

Tərəflər bildiriblər ki, hər iki ölkə arasında nəzərdə tutulmuş tədbirlər əksiksiz həyata keçirilir.

Fevralın 12-si, səhər saatlarından etibarən Azərbaycan hərbçilərinin Laçın rayonunun Qara Göl yaxınlığında Ermənistanla sərhəd ərazilərdə yerləşməsi qarşı tərəfin narahatlığına səbəb olub.