Rusiyanın Xarici İşlər naziri Sergay Lavrov Ermənistanın mina xəritələrinin Azərbaycana verilməməsi məsələsinə toxunub.

Bu barədə Lavrov Azərbaycanın Xarici İşlər naziri Ceyhun Bayramovla keçirilən birgə mətbuat konfransında deyib.

S.Lavrov bildirib ki, Rusiya bütün növ humanitar məsələlərin dərhal həll olunmasının tərəfdarıdır.

“Bu məsələni Yerevanda müzakirə etmişik. Mənə elə gəldi ki, Ermənistan rəhbərliyi bu problemi həll etmək lazım olduğunu anlayır. İlk addımlar atılıb və mən bu barədə Azərbaycan rəhbərliyinə məlumat vermişəm. Ümid edirik ki, bu məsələnin həlli sürətlənəcək və onun tam həlli tapılacaq”, – S. Lavrov deyib.

S.Lavrov onu da əlavə edib ki, Rusiya nasizmin qəhrəmanlaşdırılmasına qarşıdır.