Suriya öz vətəndaşlarının geri qayıtmasını təmin etmək üçün amnistiya kimi imkanlar yaradacağını açıqlayıb. Dəməşq administrasiyası sanksiyaların geri dönüşlərə maneə olduğunu açıqlayıb. Moskva və Dəməşq arasında Suriya-Rusiya Koordinasiya Heyətlərinin Birgə Toplantısı başlayıb. Yığıncaqda Dəməşq rəhbərliyi əfv başda olmaqla geri qayıtmaq istəyən suriyalılara asanlıqlar təmin edəcəyini açıqlayıb. “Sanksiyalar mane olur” Suriyanın paytaxtı Dəməşqdəki Konfranslar Sarayında və Moskvadakı Rusiya Federasiyası Milli Müdafiə Komandanlıq Mərkəzində onlayn keçirilən görüşdə “Suriyaya qarşı sanksiyaların geri dönüşün qarşısını aldığı” bildirilib. Suriyanın rəsmi xəbər agentliyi SANA-da yer alan xəbərə görə, ölkənin Yerli İdarəetmə və Ətraf Mühit naziri Hüseyn Mahluf toplantıda çıxış edərək bildirib ki, bu, əlverişli şəraitin təmin edilməsi üçün birgə səylərin təqibi çərçivəsində həyata keçirilir. “Məcburi köçkün suriyalıların vətənlərinə qayıtması və Suriyaya qarşı tətbiq edilən qeyri-qanuni sanksiyalar, geri qayıtma səylərinə də mane olur”. Mahluf ABŞ və Türkiyənin Suriyanın bəzi hissələrini işğal altında saxlaması və resursların talan edilməsi geri dönüşün qarşısındakı digər maneələr kimi təqdim edib. Köçkün suriyalıların geri qayıtmasının onlar üçün “prioritet” olduğunu deyən Mahluf “xüsusən də əfv fərmanları olmaqla, müxtəlif imkanların təmin ediləcəyini” vurğulayıb. “Türkiyə 1 milyondan çox insanın içməli suyunu kəsdi” Suriyanın xarici işlər naziri Feysəl Mikdad çıxışında Suriyanın xaricdəki vətəndaşlarını geri qaytarmağa çalışdığını bildirib və “yenidənqurma prosesinə töhfə verməyə” çağırıb. Qərb ölkələrinin suriyalıların geri qayıtmasını istəmədiyini iddia edən Mikdad, “Türkiyə Hasekedə bir milyondan çox insanın içməli suyunu kəsdi” deyib.