Avropa Şurası Nazirlər Komitəsinin Türkiyə üçün “qayda pozuntusu proseduru” başlatmasından sonra iş adamı Osman Kavalanın həbsinə etiraz İstanbul 13-cü Ağır Cəza Məhkəməsində müzakirə edilib. Məhkəmə Kavalanın həbsinin davam etdirilməsinə qərar verib. İstanbul 13-cü Ağır Cəza Məhkəməsi Avropa Şurası Nazirlər Komitəsinin Türkiyə ilə bağlı verdiyi qərardan sonra bu gün ilk dəfə olaraq Osman Kavalanın həbsini müzakirə edib. Çarşı və Gəzi Parkı işlərinin birləşdirilməsindən sonra keçirilən ikinci iclasda Kavalanın həbsi davam etdirilməsinə qərar verilərək 17 yanvara qədər təxirə salınmışdı. Bu qərardan İstanbul 13-cü Ağır Cəza Məhkəməsinə verilən şikayət dekabrın 10-da məhkəmə tərəfindən rədd edilib. Avropa Şurası Nazirlər Komitəsi Avropa İnsan Haqları Konvensiyasının (AİHM) iş adamı Osman Kavalanın azadlığa buraxılması ilə bağlı qərarını yerinə yetirməyən Türkiyə üçün “qayda pozuntusu proseduru”na başlayıb.