İran prezidenti İbrahim Rəisi İŞİD terror təşkilatının ABŞ tərəfindən qurulduğunu iddia edib. İran Rəyasət Heyətindən verilən açıqlamaya görə, Rəisi Tehrana səfər edən Suriyanın xarici işlər naziri Feysəl Mikdad ilə görüşüb. Rəisi görüşdə ABŞ-ın bölgədə mövcudluğunu tənqid edərək deyib: "İŞİD-i ABŞ yaradıb. ABŞ və İŞİD regionda harada yerləşsələr, oradakı insanlar təhlükəsizlik və sabitlik baxımından böyük itkilərlə üzləşirlər". Görüş zamanı Mikdad da Rəisini Dəməşqə dəvət edib.