Britaniya məhkəməsi Wikileaks-in qurucusu Culian Assancın 2020-ci ildə Wikileaks tərəfindən çox məxfi diplomatik yazışmaların yayılmasına görə 175 ilə qədər həbs cəzasıyla qarşı-qarşıya qalacağı ABŞ-a ekstradisiya oluna biləcəyinə qərar verib. Ali Məhkəmə yanvarın 4-də Bölgə hakimi Vanessa Baraytserin ABŞ-ın apellyasiya şikayətindən sonra Wikileaks-in təsisçisinin psixi sağlamlıq səbəbi ilə ekstradisiya edilə bilməyəcəyi barədə qərarını ləğv edib. 2021-ci il avqustun 11-də məhkəmə ABŞ-a şikayətinin əhatəsini genişləndirməyə icazə verib və 27-28 oktyabrda məhkəmə hər iki tərəfin arqumentlərini dinləyib. Baraytser Assancın ABŞ-dakı sərt həbsxana sisteminin öhdəsindən gələ bilməyəcəyini və ekstradisiya ediləcəyi təqdirdə intihar riskinin olduğunu söyləyib. Lakin Ali Məhkəmə Assancın məhkəmədən əvvəlki həbsxana şəraiti ilə bağlı ABŞ-ın zəmanətindən sonra bu qərarı ləğv edib. Assancın nişanlısı qərarı "ağır ədalət pozuntusu" kimi xarakterizə edib.