Böyük Britaniyanın xarici işlər naziri Liz Trass deyib ki, İranın nüvə sazişini xilas etmək üçün hələ vaxtı var, lakin bu, iranlı müzakirəçilərin ciddi təkliflərlə masaya gəlməsi üçün son şansdır. İran prezidenti İbrahim Rəisinin Vyanada davam edən, lakin təxirə salınan danışıqlara ciddi yanaşdıqlarını deməsindən sonra G7 toplantılarında çıxış edən Trass deyib ki, İran 2015-ci ildə imzalanmış müqavilənin şərtlərini qəbul etməlidir. “Biz İranın nüvə silahına sahib olmasına icazə verə bilmərik”, - deyə Trass bildirib. ABŞ əvvəlki prezident Donald Trampın dövründə sazişdən çıxıb, İran isə müqavilənin şərtlərinə əməl etməyi dayandırıb. Yeni prezident Co Bayden nüvə sazişinə qayıtmaq istəsə də, İran hələ 2015-ci ilin şərtlərinə əməl etmək niyyətində deyil. Almaniyanın yeni xarici işlər naziri Annalena Baerbok da şənbə günü vaxtın tükəndiyinə diqqət çəkib. Vyanada keçirilən danışıqlarda İran, İngiltərə, Fransa, Almaniya, Rusiya və Çin iştirak edir.