Polşalılar 2020-ci ilin oktyabrında Polşada abort hüquqlarını məhdudlaşdıran konstitusiya məhkəməsinin qərarının bir illiyini qeyd etmək üçün cümə günü küçələrə çıxıblar. Etirazlar Varşavada və digər şəhərlərdə keçirilib. Amma iştirakçıların sayı kommunizmin sona çatmasından sonra ötən 30 ilin ən böyük nümayişi olan keçən ilki qərardan poland sonra keçirilən nümayişlərdən xeyli az olub. Ötən ilki hökmdə məhkəmə qərar vermişdi ki, dölün anomal inkişaf etməsinə görə abort – hətta doğuş zamanı ölə biləcək qədər zədələnmiş olsa belə - konstitusional sayılmır. Praktikada bu, ənənəvi katolik mərkəzli Avropa dövlətində aborta demək olar ki, tamamilə yox demək idi. İndi yeganə qanuni abort təcavüz və ya ensest hallarında, yaxud qadının həyatı təhlükədə olduqda edilə bilər. Etirazlar qadınlar üçün reproduktiv azadlığa nail olmaq naminə mübarizə aparan “Women's Strike” təşkilatı tərəfindən təşkil edilib. 20 şəhərdə aksiyaların keçirilməsi planlaşdırılıb. Polşanın Roma Katolik Kilsəsi ilə birləşən hakim Qanun və Ədalət partiyasının üzvləri yeni məhdudiyyət tələb etmişdilər. Onlar iddia edirdilər ki, məqsəd o vaxta qədər Polşada qanuni abortların əhəmiyyətli hissəsini təşkil edən Daun sindromlu döllərin abortunun qarşısını almaqdır.