Filippin Prezidenti Rodriqo Duterte gələn il keçiriləcək seçkilərə qatılmayacağını və siyasətdən gedəcəyini açıqlayıb. Senator Kristofer "Bonq" Qo "PDP-Laban" partiyasından Dutertenin yerinə namizəd olacağını deyib. Filippin konstitusiyası seçilmiş prezidentin ikinci dəfə yenidən təyin edilməsini qadağan edir. 60 milyon seçicisi olan bir ölkədə prezident bu postda 6 il qala bilər. Seçki sorğularında birinci sırada olan Duterte buna görə seçkilərə vitse-prezident olmaq üçün qatılacağını açıqlamışdı. Prezidentliyə iddialı namizədlər arasında Dutertenin qızı Sara da var. Dutertenin geri çəkilməsi ilə qızı Saranın yolunun açıldığı deyilir. Dutertenin yerinə namizəd olacağını açıqlayan Kristofer "Bonq" Qo diktator Ferdinand "Bonqbonq" Markosun oğludur. Prezident seçkilərində digər iddialı namizədlər arasında keçmiş aktyor və bələdiyyə başçısı Fransisko Domaqoso və dünyaca məşhur filippinli boksçu Manni Pakkiao da var.