Neft İxrac Edən Ölkələrin Təşkilatı (OPEC) Azərbaycanın təşkilata üzvlüyə qəbuluna baxmağa hazırdır.

Abzas.net Rusiya mətbuatına istinadən xəbər verir ki, bu barədə OPEC baş katibi Mohammed Barkindo açıqlama verib.

Barkindo-nun sözlərinə görə, hazırda bu məsələ müzakirə olunur.

Azərbaycan digər qeyri-OPEC ölkələri və OPEC-lə birlikdə gündəlik hasilatı 1,8 milyon barel azaldacaq.

İlin sonunadək qüvvədə olacaq bu razılaşmada məqsəd neft bazalarını sabitləşdirmək, neftin qiymətini qaldırmaqdır.

Martın 17-19-da Bakıda səfərdə olan Barkindo, Azərbaycan prezidenti İlham Əliyev və enerji naziri Pərviz Şahbazovla görüşüb.

Bu görüşlərdə 3 ehtimal müzakirə edilib: OPEC üzvlüyü, assosiativ üzvlük, əməkdaşlığı indiki kimi davam etdirmək”.