İspaniya mülki qvardiyası, Kataloniyada keçirilməsi planlaşdırılan referenduma hazırlıqla əlaqəsi olan 12 nəfəri həbs edib.

Abzas.net xəbər verir ki, bu barədə hakimiyyət mənbələrinə istinadən "Pais" məlumat verib.

Saxlanılanlar arasında Kataloniya hökümətinin (Jeneralitet) telekomunikasiya və informasiya mərkəzinin əməkdaşları, sosial məsələlər, iqtisadi və maliyyə, xarici işlər idarələrinin əməkdaşları da var. Onlardan bəziləri referendumla bağlı materialların yayılması ilə əlaqəlidir.

Bundan əlavə, Jeneralitetin vitse-spikerinin müavini Josep Mari Jove-nin də milli qvardiyaçılar tərəfindən saxlanıldığı bildirilir.

Hökümətin binasında axtarış aparılıb. Qvardiyaçılar referenduma hazırlıqla bağlı sənədləri axtarırdılar.

Kataloniya rəhbəri Carles Puigdemont həbslər və axtarışlarla əlaqədar olaraq, icraedici komitələrin iclasını çağırıb.

"Podemos" (En Comu Podem) partiyasının Kataloniya bölməsinin rəhbəri Xavier Domenech kataloniyalıların hüquqlarının və suverenliyinin müdafiəsi naminə gücləri birləşdirməyə çağırıb. Onun sözlərinə görə, bu həbslər "bütün sərhədləri aşdı".