Azərbaycan prezidenti İlham Əliyev Avropa Şurası Parlament Assambleyasının (AŞPA) Monitorinq Komitəsinin həmməruzəçiləri Sezar Florin Predanı və Stefan Şennakı qəbul edib.

Abzas.net xəbər verir ki, məlumatı prezidentin mətbuat xidməti yayıb.

Bir müddət əvvəl Azərbaycanın AŞPA-dakı nümyəndə heyyətinin rəhbəri Səməd Seyidov məruzəçilərin Azərbaycana gəlməsini belə şərh etmişdi: Avropa Şurasının məruzəçiləri Azərbaycana gələcəklər. Biz deyə bilərdik: “Heç gəlməyin”. Soruşun ki, nəyə görə razılıq verdik? Ona görə ki, faktiki dünən – sentyabrın 7-də Monitorinq Komitəsinin iclasında onların hazırladığı məruzə layihəsi səsə qoyulub təsdiqləndi. Təsdiqləndikdən sonra bu, birbaşa AŞPA-nın müzakirəsinə çıxır. Bu halda məruzəçilərin gəlişinə ehtiyac da yoxdur.