Avqustun 3-ü axşam saatlarında Bakıda dəhşətli yol-nəqliyyat hadisəsi baş verib. Hadisə nəticəsində 2 nəfər ölüb, bir nəfər yaralanıb. Bu barədə Report agentliyi məlumat yayıb. 

“Mercedes Galendevagen” markalı avtomobil qəza törədib və qəza zamanı maşının sürücüsü və bir nəfər piyada həlak olub. Daha bir nəfər isə yaralanıb.

Yerli medianın məlumatına görə, “Mercedes Galendevagen” baş nazirin müavini, “Qaçqınkom”un sədri Əli Həsənova məxsusdur və avtomobil onun nəvəsi Nail Allahverdiyevin sərəncamında olub. Avtomobili qəza zamanı idarə edən və həlak olan isə N.Allahverdiyevin sürücüsü Mehdi Əliyevdir.

Məlumatlardan birində deyilir ki, “Mercedes Galendevagen” yüksək sürətlə hərəkət edirmiş və idarəetməni itirərək “VAZ 21015” markalı avtomobilə arxadan  çırpılıb. Daha sonra “Mercedes Gelandewagen” yolun kənarındakı maneəni aşaraq köməkçi yola keçib və yanmağa başlayıb.

Hadisə yerinə yanğınsöndürənlər, polis əməkdaşları və təcili yardım briqadası cəlb olunub.

“Report.az” saytı isə hadisə yerindən belə xəbər yayıb ki, “Mercedes Galendevagen” başqa bir avtomobillə sürət yarışına çıxıbmış və bu zaman piyadanı vurub, daha sonra idarəetməni itirərək aşıb, yanmağa başlayıb.

Maraqlıdır ki, hadisə barədə ilk xəbər yayanlardan biri “report.az” saytı olsa da, sonradan məlumat saytdan çıxarılıb.

https://www.youtube.com/watch?v=uFQsTI4s6xg [embed]https://www.youtube.com/watch?v=pEe8PSQoSGA[/embed]