2017-ci ilin yanvar-iyul aylarında Azərbaycanda neft hasilatı 22 mln. 500,6 min ton təşkil edib.

"Caspian Barrel" Dövlət Statistika Komitəsinin aylıq hesabatlarına istinad edərək bildirir ki, bu göstərici 2016-cı ilin analoji dövrü ilə müqayisədə 8,9% və ya 2,2 milyon ton azdır.

Yanvar-iyul aylarında ölkədə 22 mln. 471,9 min ton əmtəə nefti (azalma 8,9%) hasil olunub.

Energetika Nazirliyi 2017-ci ildə Azərbaycanda neft hasilatını 40 mln. ton səviyyəsində proqnozlaşdırıb.

Ancaq yeddi ayın neft hasilatının nəticələri onu deməyə əsas verir ki, cari ildə ölkədə ən yaxşı halda 38,5 milyon ton “qara qızıl” hasil etmək mümkün olacaq.

Azərbaycanda hasil edilən neft və kondensatın 82%-i “BP-Azerbaijan” şirkətinin, 14,5%-i “Azneft” İstehsalat Birliyinin (SOCAR-ın hasilat strukturu), 3,5%-i isə əməliyyat şirkətlərinin payına düşür.