Bugün Türkiyədə CHP başqanı Kemal Kılıçdaroğlunun başlatdığı tarixi "Ədalət Yürüşü"nün 22-ci günüdür.  Abzas.net xəbər verir ki, Kılıçdaroğlunun önündə getdiyi 20 mindən artıq insanın toplaşdığı kortej artıq 22 gündür ki, yol gedir. Kortej dünən gecəni Kocaeli şəhərinin Dilovasi qəsəbəsinə bağlı Tavşancıl sahilində keçirərək, bugün səhər saat 09:00 radələrində yürüşün 22-ci gününə başladı. Paytaxt Ankaradan başlayan yürüş, Türkiyənin ən böyük şəhəri İstanbulda yekunlaşacaq. Yürüşün sonuna təxminən 43 km qaldığı bildirilir.

Türkiyədə ana müxalifət partiyası CHP-nin millət vəkili Enis Berberoğlunun həbs olunmasından sonra partiya lideri Kemal Kılıçdaroğlu etiraz olaraq "Ədalət Yürüşü"-nə başlayıb.