Azərbaycan Kooperasiya Universitetində baş verən yanğında imtahanın gedişinə nəzarət edən 4 müəllim və 5 abituriyent tüstüdən zəhərlənib.

Məlumatı Fövqəladə Hallar Nazirliyinin (FHN) rəsmi saytı yayıb.

14:30

Bakıda Kooperasiya Universitetinin binasında yanğın baş verib.

Yanğın universirtetin Ziya Bünyadov prospekti 30 ünvanında yerləşən binasının idman zalında qeydə alınıb.

İlkin məlumata əsasən Nərimanov rayonunda Azərbaycan Kooperasiya Universitetinin idman zalında elektrik naqilləri yanıb. Hazırda Azərbaycan Kooperasiya Universitetinin əsas binasında qəbul imtahanları gedir. Yanğın imtahan gedən binaya keçməyib.

Son məlumata görə, yanğın söndürülüb.

Yanğın zamanı 4 nəfərin tüstüdən zəhərləndiyi bildirilir. Həmin şəxslər Toksikologiya Mərkəzinə aparılıb. Onlar -  Aidə Seyfullayeva, Tərlan Mirzəyeva, Məlahət Məmmədova, Cəfər Quliyevdir.