“Azərkosmos” ASC Azərbaycan Qran-Prisi çərçivəsində “Bakı Şəhər Halqası”nda keçirilən dünyanın nüfuzlu idman yarışlarından olan “Formula-1” yarışlarının görüntülərinin yayım mərkəzlərinə ötürülməsi üzrə peyk yayım təchizatçısı olub.

Şirkətdən “APA-Economics”ə verilən məlumata görə, “Azərkosmos” yarışların 24-25 iyun tarixində keçirilən sıralanma turu və pilotların düzülüş mərhələsi kimi ən maraqlı anlarının Avropa, eləcə də, dünyanın digər qitələrindəki milyonlarla televiziya tamaşaçısına çatdırılmasında mühüm rol oynayıb.