Əbülfəz Qurbanlı bildirib ki, fəaliyyətini müstəqil formada davam etdirəcək. O deyib ki, hələlik geniş planları yoxdur. Bununla belə, plansız da deyil:

"İndi daha pis və ağır dövrdür. Hər həftə hansısa ictimai-siyasi fəallar ya həbs olunur, ya da polisə çağırılır. Xeyli dostumuz həbsdədir. Ölkə üzü uçuruma gedir. Hakimiyyət isə bütün şərtləri daha da ağırlaşdırmaqda davam edir. Belə şəraitdə əlimizi ağır daşların altına qoymaqdan çəkinməməliyik. "Demokratiyaya gediləsi uzun yol"u getmək zərurətdir, gedəcəyik".

Əbülfəz Qurbanlı 2002-ci ildən ictimai-siyasi fəaliyyətə başlayıb. Azərbaycan Xalq Cəbhəsi Partiyasının üzvü olub. 2008-ci ildə AXCP Gənclər Komitəsinin sədri təyin olunub. 2013-cü ildə isə partiya sədrinin müavini təyin olunub.

2015-ci il iyul ayında səbəb göstərmədən partiya sıralarından getdiyini açıqlayıb.