Mayın 26-da Nəsimi Rayon Məhkəməsi jurnalist Elçin İsmayıllının həbs müddətini sentyabrın 12-dək uzadıb.

Vəkil Elçin Sadıqov Turan-a bildirib ki, jusnalistin həbsdə saxlanmasına heç bir tutarlı əsas yoxdur. Üstəlik, ona qarşı heç bir istintaq hərəkəti aparılmır.

Xatırladaq ki, müstəqil jurnalist Elçin İsmayıllı fevralın 17-də saxlanılıb. Növbəti gün zorla pul tələb etmək və vəzifəsindən sui-istifadə etmək ittihamları (CM-in 182 və 308-ci maddələri) ilə həbs edilib.

Həbsin əsl səbəbi jurnalistin yerli hakimiyyəti tənqid etməsidir. Jurnalist özü bütün ittihamları rədd edərək bunu İsmayıllıda baş verən qanunsuzluq və korrupsiya faktlarını tənqid edtiyinə görə cəza adlandırıb.