İkinci Dünya müharibəsində faşizm üzərində qələbənin 72-ci ildönümü münasibətilə mayın 9-da Bakıda təntənəli mərasim keçirilib.

Abzas.net xəbər verir ki, İlham Əliyev və birinci xanım Mehriban Əliyeva mərasimdə iştirak ediblər.

Müharibə veteranları ilə görüşən İlham Əliyev onlara Qələbə Günü münasibətilə təbriklərini çatdırıb.

İlham Əliyevi Respublika Veteranlar Təşkilatının sədri, ehtiyatda olan general-mayor Dadaş Rzayev qarşılayıb.

Müharibə veteranları ilə görüşən Prezident İlham Əliyev və birinci vitse-prezident Mehriban Əliyeva onları Qələbə Günü münasibətilə təbrik ediblər.

Azərbaycan prezidenti iki dəfə Sovet İttifaqı Qəhrəmanı, tank qoşunları general-mayoru Həzi Aslanovun abidəsi önünə əklil qoyub, ailə üzvləri ilə görüşüb, onları münasibətilə təbrik edib.

Mərasimdə baş nazir Artur Rasi-zadə, Milli Məclisin sədri Oqtay Əsədov, Prezident Administrasiyasının rəhbəri Ramiz Mehdiyev və digər rəsmi şəxslər iştirak ediblər.