Xarici işlər naziri Elmar Məmmədyarov bu gün, aprelin 24-ü Litvaya rəsmi səfəri çərçivəsində bu ölkənin parlamentinin (seym) sədr müavini Gediminas Kirkilas, parlamentin komitə sədri Yuozas Bernatonis və Azərbaycanla parlamentlərarası əlaqələr üzrə qrupun rəhbəri Valeriyus Simulik ilə görüşüb.

Abzas.net xəbər verir ki, bu haqda Azərbaycan Xarici İşlər Nazirliyin (XİN) mətbuat xidməti məlumat yayıb.

Görüşlərdə Azərbaycan və Litva arasında münasibətlərin inkişafından məmnunluq ifadə edilib. Görüş iştirakçıları iqtisadi-ticarət əlaqələrinin daha da inkişaf etdirilməsindən ötrü birgə səylərin artırılmasının vacibliyini bildiriblər.

E. Məmmədyarov Avropa Birliyi ilə əlaqələr və hazırda bu qurum ilə Azərbaycan arasında strateji tərəfdaşlığa dair saziş layihəsi üzərində aparılan danışıqlar barədə həmsöhbətlərə məlumat verib.

Müzakirələr zamanı Dağlıq Qarabağ münaqişəsinə də diqqət ayrılıb.

Elmar Məmmədyarov aprelin 24-ü Litvaya səfər edib.