Azərbaycan Cibutiyə humanitar yardım göndərib.

Abzas.net xəbər verir ki, Prezidenti İlham Əliyevin tapşırığına əsasən, Fövqəladə Hallar Nazirliyi bu gün Azərbaycan Hökuməti adından Cibuti Respublikasına humanitar yardım göndərib.

Humanitar yardım Heydər Əliyev Beynəlxalq Aeroportundan “Azərbaycan Hava Yolları” Qapalı Səhmdar Cəmiyyəti vasitəsilə yola salınıb.

Ümumi kütləsi 76 tona yaxın olan humanitar yardıma 56 ton müxtəlif növ ərzaq məhsulları (qənd, şəkər tozu, çay, günəbaxan yağı, qarğıdalı yağı, un, makaron, vermişel) və 20 ton içməli su daxildir.