Mingəçevirdə övladını müalicə etdirmək imkanı olmayan 45 yaşlı qadın intihara cəhd edib. Bu barədə Report xəbər yayıb.
Məlumata görə, 1972-ci il təvəllüdlü Məmmədova Yaqut Gülhəsən qızı qida üçün uyğun olmayan zərərli maddə içərək özünü öldürmək istəyib.
Zəhərlənmiş qadın təcili xəstəxanaya çatdırılıb. Onun sirkə turşusu, yaxud digər zəhərli maye qəbul etdiyi müayinələrdən sonra məlum olacaq. Xəstənin vəziyyəti orta-ağırdır.
Yaqut Məmmədovanın qan çatışmazlığı və dalaq xəstəliyindən əziyyət çəkən oğlunu müalicə etdirmək üçün imkanı olmadığından intihar etdiyi bildirilir.
Faktla bağlı araşdırma aparılır.
