İlham Əliyev iş vaxtını necə keçirir? 2016-cı il, yanvar - avqust aylarında:

Prezident Əliyev 2016-cı ilin yanvar və avqust ayları arasında 50 ölkənin nümayəndə və ya rəsmisilə görüşüb.

Prezidentin rəsmi saytından belə qənaətə gəlmək olar ki, bu müddət ərzində o, daha çox İran rəsmilərilə vaxt keçirib.

Prezidentin saytındakı məlumatlardan belə çıxır ki, cənab Əliyev daha çox İran prezidenti Həsən Ruhani ilə vaxt keçirib.

Bundan başqa o, Türkiyə, ABŞ, və Rusiya nümayəndələrilə də tez-tez görüşüb, bu ölkələrlə bağlı çoxlu danışıqlarda iştirak edib. Bu diaqramda, 3-dən çox görüşü və ya səfəri olan ölkələr göstərilir.

Bakıdan kənar lakin ölkə daxilindəki görüş və tədbirlər bu il əsasən Qəbələdə keçirilib.

Qəbələ səfərindən əsas məqamlar:

• "Qəbələ" Park-Bulvar Kompleksi yenidənqurmadan sonra istifadəyə verilib
• Qəbələdə icrası davam edən turism və idman infrastrukturu layihələri ilə tanış olub
• Nohurqışlaq-Tüntül-Yengicə avtomobil yolunun əsaslı təmirindən sonra açılışında iştirak edib
• "Qafqaz Tufandağ Mountain Resort" otelinin açılışında iştirak edib
• "ASAN xidmət" mərkəzinin açılışında iştirak edib
• YAP Qəbələ rayon təşkilatının yeni inzibati binasının açılışında iştirak edib
• Heydər Əliyev Fondunun təşəbbüsü ilə inşa olunan uşaq bağçasının açılışında iştirak edib

Prezident Əliyev daha çox mart ayında fəal olub. O, bu ay ərzində 63 görüş, tədbir və ya açılışda iştirak edib. Onun iş qrafikinə əsasən cənab əliyevin ən çox boş vaxtı olan ay isə iyul ayıdır.

Aylar üzrə fəallıq

2016-cı il, yanvar - avqust arasında

Aprel ayında Prezident Əliyev Barack Obama ilə Vaşinqtonda keçirilən sammit zamanı şəkil çəkdirib.