Milli komandamızın və "Neftçi"nin sabiq qapıçısı Emil Balayev Almaniyanın "Eintracht Braunschweig" klubunun düşərgəsinə yollanıb.

Gənc qapıçı artıq "Eintracht Braunschweig" ilə birlikdə məşqlərə də başlayıb.

O, bir həftə ərzində 2-ci Bundesliqa təmsilçisində sınaqdan keçəcək. Özünü doğrultsa, 22 yaşlı qolkiperlə müqavilə imzalanacaq.

Qeyd edək ki, “Braunschweig" 4 turdan sonra 12 xalla turnir cədvəlinin lideridir.

Xatırladaq ki, son klubu 2014-16-cı illərdə Frankfurt "Eintracht"ı olan Emil Balayevin bu komandada rəsmi debütü baş tutmayıb.