2018-ci ildə UEFA Çempionlar Liqasının finalı Kiyevdə keçiriləcək.

Bu barədə Ukrayna prezidenti Petro Poroşenko sosial şəbəkədə məlumat yayıb.

“2018-ci ildə Çempionlar Liqasının finalı Ukraynada olacaq. UEFA finalın Kiyevdə keçirilməsi ilə bağlı qərar qəbul edib. Bu, bizim, xüsusilə ukraynalı azarkeşlər üçün əla xəbərdir. İnanıram ki, final matçını yüksək səviyyədə keçirəcəyik” - deyə o bildirib.

Oyunun Kiyevin "Olimpiyski" stadionunda təşkil olunacağı bildirilir.

Qeyd edək ki, UEFA mövzu ilə bağlı hər hansı bir rəsmi açıqlama verməyib.