"REAL" Hərəkatı İdarə Heyətinin üzvü Azər Qasımlı ölkədən çıxışına yasaq qoyulması ilə bağlı Baş Prokurorluğun Ağır Cinayətlərə Dair İşlər üzrə İstintaq İdarəsinə müraciət ünvanlayıb.

A.Qasımlı müraciəti ilə bağlı bu sözləri deyib: «Mənə qarşı hər hansı cinayət işi yoxdur, hər hansı ittiham yoxdur, məhkəmə qərarı yoxdur. Odur ki, ölkədən çıxışıma qoyulan qadağanı qanunsuz sayıram və bunun səbəbini öyrənmək istəyirəm».

A.Qasımlı qeyd edib ki, sentyabrın 30-da şəxsi işləri ilə bağlı iki günlük İstanbula yola düşməlidir. Amma ona icazə verilib-verilməyəcəyini bilmir.

Xatırladaq ki, Azər Qasımlı sentyabrın 27-də Gürcüstana getdiyi zaman Böyük Kəsik keçid məntəqəsində ölkədən çıxışına yasaq qoyulduğu məlum olmuş, daha sonra o, yenidən Bakıya qayıtmışdı.