UEFA 2018-ci ildən Çempionlar Liqasında tətbiq ediləcəyi gözlənilən köklü dəyişikliyə hazırlaşır. Bu dəyişikliyin böyük liqalarda mübarizə aparan komandaların əleyhinə olacağı gözlənilir.

Yeni formata görə UEFA-nın ölkə reytinqi cədvəlində ilk dörd yerdə qərarlaşan liqalar, turnirdə dörd komanda ilə təmsil ediləcək. Bu komandalar təsnifat mərhələsi oynamadan birbaşa qruplarda iştirak edəcək.

Mövcud reytinqə görə, İspaniya, Almaniya, İngiltərə və İtaliya liqalarında ilk dördə girən hər komanda, 2018-19 mövsümündən etibarən Çempionlar Liqasında birbaşa iştirak etmək hüququ əldə edəcək.