Azərbaycanda bank müştərilərinin ümumi sayı aylıq müqayisədə 204 782 nəfər və ya 3,7% azalaraq 2016-cı il noyabrın 1-nə 5 310 232 nəfər təşkil edib.

Azərbaycan Mərkəzi Bankının(AMB) hesabatına əsasən, müştərilərin sayı ilin əvvəlindən 406 153 nəfər və ya 7,1%, ötən ilin eyni dövrü ilə müqayisədə isə 334 602 nəfər və ya 5,9% azalıb. Müştərilərin sayı indiki həddə yaxın 2015-ci ilin mayında olub. Belə ki, ötən ilin iyunun 1-nə müştərilərin sayı 5 348 165 nəfər, mayın 1-nə 5 273 663 nəfər təşkil edib.

Cari il noyabrın 1-nə bank müştərilərinin 5 241 312 nəfərini və ya 98,7%-ni fiziki şəxslər, o cümlədən 169 577 nəfərini sahibkarlıqla məşğul olanlar, 1,3%-ni hüquqi şəxslər əhatə edib.