ABŞ prezidenti Barack Obama deyib ki, ofisi tərk edəndən sonra varisi Donald Trump-ın Amerikanın əsas dəyərlərini təhlükə altında qoyduğunu hiss etsə danışa bilər.

Konvensiyaya görə, sabiq prezidentlər siyasi mübarizəni dayandırmalı və varislərini şərh etməkdən yayınmalıdırlar.

Peruda keçirilən sammitdə çıxış edən cənab Obama deyib ki, o cənab Trump-a yardım etməyə və onun baxışlarının çərçivəsini müəyyən etməyə yardım etməkdə niyyətlidir.

Lakin o əlavə edib ki, fərdi vətəndaş kimi o bəzi problemlərdə öz fikrini deyə bilər.

Cənab Obama deyib ki, əgər məsələlər "bizim ideyallar və dəyərlər haqqında əsaslı suallara gedib çıxarsa və mən düşünsəm ki, mənim danışmağım bu dəyərlər üçün vacib və ya kömək etmiş olacaq, onda mən zamanı gələndə bunu yoxlayacam".

Prezident özünü "ölkəsi haqqında dərindən narahat olan amerikalı" kimi təsvir edib.

Cənab Obama açıq aydın deyib ki, o hələ də ofisdə olduğuna görə cənab Trump-ın qərarlarından asılı deyil.

Seçilmiş prezidentin strategiya rəhbəri, Steve Bannon, əvvəllər Breitbart adlı saytın rəhbəri olub ki, bu media qurumu rasizm və anti semitizm təbliğ etməkdə ittiham olunur. Cənab Trump-ın milli təhlükəsizlik üzrə məsləhətçisi, general Michael Flynn, bir müddət əvvəl islamı bütün ABŞ üzrə yayılan "xərçəng"ə bənzətmişdi.

Cənab Trump-ın baş prokurorluğa namizədi, Jeff Sessions, rasist çıxışlarına görə 1986-cı federal hakim olmasından imtina edilmişdi.

Cənab Obama deyib ki, o inanır ki, Donald Trump-ın prezident kimi gərgin məsuliyyəti onu kampaniya dövründə səsləndirdiyi kəskin siyasi mövqeyini yumşaldacaq.