Bu gün Bakıda Rusiya-Azərbaycan regionlararası forumu çərçivəsində humanitar və iqtisadi sahələrdə əməkdaşlıq haqqında 12 sənəd imzalanıb.

İmzalanan sənədlər müxtəlif sahələri əhatə edib. Qəbələ və Kislovodsk şəhərlərinin qardaşlaşması haqqında saziş, Bakının Nərimanov rayonu və RF-nin Həştərxan vilayəti arasında əməkdaşlıq haqqında niyyət protokolu, Həştərxan vilayətində xüsusi iqtisadi zonada sənaye istehsalatı haqqında saziş, Azərbaycan Tibb Universiteti və Stavropol Tibb Universiteti arasında əməkdaşlıq haqqında çərçivə sazişi imzalanıb.

Həmçinin, razılaşmalar arasında "Dərbənd 2000" və Quba və Xaçmaz turizm mərkəzləri arasında əməkdaşlıq sazişi  AZPROMO Fondu və Stavropol Ticarət-Sənaye Palatası və Dağıstan Sahibkarlıq və İnvestisiyalar Agentliyi arasında əməkdaşlıq haqqında saziş, AZPROMO və "Xəzər yolu" Assosiasiyası arasında əməkdaşlıq haqqında memorandum, Xəzər zavodu və Glass House şirkəti arasında şüşə lövhələrin ixracı haqqında saziş, Azərbaycan meyvə və tərəvəz istehsalçıları və ixracçıları və "Xəzər yolu" Assosiasiyası arasında əməkdaşlıq memorandumu; "Bentonit" MMC, ADY Express və "AzRosPromİnvest" arasında tərəfdaşlıq haqqında memorandum var.