Asiya İnkişaf Bankının (ADB) vitse-prezidenti Wencai Zhang-ın noyabrın 14-də Azərbaycana səfər edəcəyi gözlənilir.

Məlumata görə görə, vitse-prezidentin səfəri iki gün davam edəcək.

Səfər zamanı W.Zhang-ın Azərbaycan hökumətinin rəsmiləri ilə görüşü nəzərdə tutulur. Görüşlərdə Azərbaycan ilə ADB arasında əməkdaşlıq perspektivlərinin müzakirə edilməsi gözlənilir.

W.Zhang sonuncu dəfə Azərbaycana 2015-ci ilin mayında ADB-nin Direktorlar Şurasının Bakıda keçirilən 48-ci İllik Toplantısında iştirak etməkdən ötrü gəlmişdi.