Asiya İnkişaf Bankının Azərbaycana verəcəyi 1 mlrd. dollar həcmində kredit tezliklə təsdiq oluna bilər.

Bu sözləri bu gün Bakıda keçirdiyi mətbuat konfransında ADB-nin vitse-prezidenti Vençay Zanq deyib.

Onun sözlərinə görə, hal-hazırda bankın Direktorlar Şurası tərəfindən layihəyə baxılır:

"Şahdəniz layihəsinə bu qiymət təklif edilərkən biz ətraflı araşdırma aparmışıq. Ümid edirik ki, Şura krediti təsdiqləyəcək. Şura tərəfindən ratifikasiyanın noyabrın sonu - dekabrın əvvəlində gerçəkləşdirilməsi gözlənilir. Biz bunu səbirsizliklə gözləyirik".