“Jurnalistika ələbaxan olmamalıdır. Jurnalistika nəyinsə müqabilində iş görməməlidir, yazı yazmamalıdır. Bu, bütün prinsiplərə ziddir”
Jurnalistlər üçün tikilib pulsuz paylanılan mənzillərdən sonra indi də media orqanları vergidən 3 il müddətinə azad ediliblər.
Aprelin 1-də prezident İlham Əliyevin təsdiq etdiyi Vergi Məcəlləsinə dəyişikliklərə görə, media reyestrindən keçən media orqanları 3 il ərzində bütün növ vergidən azad edilib. Bundan sonra reyestrdən keçən jurnalistlər güzəştli şərtlərlə ipoteka krediti də ala biləcəklər. Hökumətin jurnalistlərə hədiyyə və güzəştlər verməsinin səbəbi nədir?
